Shqipëria do të presë në 5 shtator Hungarinë, 3 ditë pasi të ketë luajtur në Poloni.
Disa ditë më parë, FSHF bëri të ditur se ndeshja do të luhet në stadiumin ‘’Elbasan Arena’’ dhe jo në ‘’Air Albania’’ pasi te ky i fundit po vendoset tapeti i ri dhe nuk duan të nxitojnë me përgatitjet.
Mirëpo, një tjetër njoftim ka ardhur këtë të diel nga federata, ai mbi biletat e ndeshjes. Stadiumi do të presë 30% të kapacitetit ashtu sikurse e parashikon dhe ligji për masat anti-covid.
Biletat mund të blihen pas datës 23 gusht në Tiranë, si dhe në Elbasan teksa çmimet variojnë, nga 10 mijë lekë, deri në 150 mijë lekë të vjetra.
