Presidenti serb Aleksandar Vuçiç ka kryer së fundmi një bisedë telefonike me homologun izraelit Isar Herzog.
Aty ai i ka shprehur zhgënjimin për njohjen që i kanë bërë Kosovës si shtet.
Mësohet se pas komunikimit, Vuçiç ka shprehur edhe dëshirën që Serbia t’i përmirësojë marrëdhëniet dypalëshe me udhëheqjen e re të Izraelit.
“Ne e konsiderojmë shumë të rëndësishme që Serbia dhe Izraeli, përmes bashkëpunimit, të kontribuojnë në zgjidhjen politike dhe paqësore të të gjitha mosmarrëveshjeve, konflikteve dhe çështjeve të hapura”, tha Vuçiç, duke shtuar se ai pret që Presidenti Herzog dhe Izraeli të vazhdojnë ta mbështesin dialogun Kosovë-Serbi.
Kujtojmë se më 1 shkurt, Kosova dhe Izraeli zyrtarizuan vendosjen e marrëdhënieve diplomatike, vendim i cili nga të dyja shtetet u cilësua si historik.
Njohja e ndërsjellë mes Kosovës dhe Izraelit ishte paraparë në Marrëveshjen e Ëashingtonit, e cila ishte nënshkruar në shtator të vitit 2020 nga atëherë kryeministri i Kosovës, Avdullah Hoti dhe presidenti i Serbisë, Aleksandar Vuçiç.
