Momentet e panikut! Shoferi bën aksident në Vlorë dhe bllokohet brenda makinës

Një aksident ndodhi sot në Vlorë, ku një shofer 21 vjeçar humbi kontrollin e mjetit dhe si pasojë e përplasjes së fortë me murin, u bllokua për pak kohë brenda mjetit.

Shtetasi E. H., i cili ndodhet në spital, jashtë rrezikut për jetën.

Vlorë/Informacion paraprak

Më datë 09.08.2021, rreth orës 19:30, në aksin rrugor Vlorë-Babicë, shtetasi E. H., 21 vjeç, dyshohet se ka humbur kontrollin e mjetit dhe është përplasur me një mur.

Si pasojë është dëmtuar shtetasi E. H., i cili ndodhet në spital, jashtë rrezikut për jetën. Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.