Mjeku i njohur imazherist në Qendrën Spitalore Nënë Tereza, Renato Osmënaj ka sulmuar keq, kolegun e tij, mjekun Pëllumb Pipero për deklaratat e tij më të fundit mbi variantin Delta si dhe shpërndarjen e tij brenda pak minutave.
Mjeku thekson se kolegu Pipero është një ordiner që nuk ka specializimin për sëmundje infektive, ndërkohë që po sipas Osmënajt, bën deklarata në nivel kombëtar. Renato Osmënaj nuk ndalet me kaq pasi e quan Piperon një hajdut dhe një turp për mjekësinë.
“Me çfarë tagri një ordiner që s’ka hyrë kurrë në spitalet Covid bën deklarate të nivelit kombëtar?! Një person që nuk ka kryer specializim në sëmundjet infektive jep opinione për pandemi! Një hajdut dhe një media ordinere mund të lançojë mesazhe të tillë! Turp për atë palo mjekësi që ju ka ngelur”, shkruan mjeku i QSUT-së, Renato Osmënaj.
“Prekje e gjerë e sistemit pulmonar, së dyti përgjigje inflamatore sistemike, e agravuar. Një përgjigje jo adekuate ndaj virusit. Do të thosha, një dëmtim të shumë organeve njëkohësisht dhe pamundësi për t’u mundësuar që të shpëtonin. Ishin nga ato forma tejet të rënda të Covid në përgjithësi”, është shprehur Pipero për variantin Delta.
