“Merrni rrobat e dilni jashtë!”! Boshatisen konviktet e Qytet Studentit, bëhen “banesat” e afganëve (Video)

Avioni i parë me afganë do të mbërrijë brenda 24 orësh në Rinas. Strehimi i yyre pritet të ndodhë në konviktet e Tiranës dhe disa hotele në Durrës.  2 ditë më parë kryeministri shqitar Edi Rama bëri me dije se do të strehojë qindra afganë të cilët kanë punuar me strukturat amerikane dhe ato të institucioneve të tjera ndërkombëtare në vendin e tyre, pas kërkesës së bërë nga Shtetet e Bashkuara të Amerikës.

Shqipëria do të strehojë afro 2000 afganë të cilët po braktisin vendin e tyre pas marrjes së pushtetit nga talebanët. Një pjesë e konsiderueshme e afganëve do të qëndrojnë përkohësisht në godinat e Qytetit Studenti, ose në konviktet e tjera në kryeqytet.

Mirëpo si pasojë e situatës së përshkallëzuar në Afganistan, edhe tek ne, si vend strehim situata është vështirësuar dhe është krijuar “kaos”.

Te Qyteti Studenti godinat nr. 2 dhe nr. 4 janë përcaktuar deri më tani si vendstrehimet e shtetasve afganë që pritet të mbërrijnë në Shqipëri.

Siç duket dhe nga pamjet e sigurura shihen studentë me çanta duke liruar ambjentet e konvikteve. Ende nuk dihet çfarë do të ndodh me ta tanimë që u përzunë nga konviktet.