Cristiano Ronaldo tashmë është zyrtarisht pjesë e ekipit të Manchester United.
Ylli portugez i futbollit do të rikthehet në “Old Trafford” pas 12 vitesh.
Skuadra angleze njofton se ka arritur marrëveshjen me Juventusin dhe tani priten vetëm detajet e fundit.
Më në fund përfundon dhe maratona e negociatave për transferimin e portugezit. Në fillim ishte PSG, më pas Manchester City, por United ka mposhtur konkurrencën e dy klubeve të drejtuara nga sheikë për të rikthyer Ronaldon aty ku u bë i famshëm, në ”Teatrin e Ëndrrave”.
NJOFTIMI NGA MANCHESTER UNITED
Manchester United është i kënaqur të konfirmojë se klubi ka arritur marrëveshje me Juventusin për transferimin e Cristiano Ronaldos, në varësi të kushteve personale, vizës dhe mjekësisë.
Cristiano,fitues pesë herë i Topit të Artë, deri më tani ka fituar mbi 30 trofe të mëdhenj gjatë karrierës së tij, duke përfshirë pesë tituj të UEFA Champions League, katër Kupa Botërore të Klubeve FIFA, shtatë tituj ligash në Angli, Spanjë dhe Itali, dhe Evropian Kampionat për Portugalinë e tij të lindjes.
