Merr tre plumba në zarf/ Kërcënohet me jetë Papa Françesku, ja dyshimet e para të hetuesve

Kërcënohet me jetë Papa Françesku.

Menjëherë pas kësaj policia italiane ka nisur hetimet.

Autoritetet në Milano bëjnë me dije se atij i është dërguar një zarf me tre plumba.

Në zarf shkuhej “Papës, Vatikanit, Sheshit të Shën Pjetrit” dhe mësohet se ka ardhur nga Franca. Shënimi  ishte shkruar me stilolaps në një mënyrë të palexueshme dhe i drejtohej drejtpërdrejt papës.

Zarfi, sipas asaj që është mësuar, përmbante tre fishekë të tipit Flobert, të kalibrit 9 milimetra.

Sipas mediave italiane dërguesi  tashmë është identifikuar.

Nga ajo që është mësuar nga burimet hetimore deri më tani ky person nuk është i panjohur për policinë pasi ai i ka dërguar letra Vatikanit edhe në të kaluarën.

Për momentin hetuesit janë të përqendruar në vendndodhjen e tij nëse ai ndodhet në Francë apo në Sheshin e Shën Pjetrit në Romë.