Luftë me flakët në malin e Tërbunit/ 100 forca ushtrie në terren, ndërhyrje dhe nga ajri

Vijon të jetë aktive vatra e zjarrit në malin e Tërbunit, Pukë.

Zjarri ka përfshirë një sipërfaqe prej 20 hektarësh me pisha dhe ahe.

Në operacion për shuarjen e flakëve janë angazhuar  forcat zjarrfikëse, punonjës të pyjores dhe shërbimet publike.

Ndërkohë që në ndihmë sot kanë mbërritur dhe 100 forca të ushtrisë.

Dy helikopterë pritet të vijojnë dhe sot fluturime për hedhjen e ujit. Zjarri në malin e Tërbunit, dyshohet se u shkaktua qëllimisht.