LIGJET E BIZNESIT
Emra të njohur në vend krijuan zhurmë të madhe në momentin kur u bë publik se pas skenës fshihej edhe një pozicion pune në administratë. Përpos karrierës dhe asaj që vajzat e ekranit janë të njohura në të gjithë vendin, disa janë ose ishin të punësuar në institucione të ndryshme në shtet. Këngëtare, gazetare apo moderatore… në vijim sjellim disa prej VIP-ave që siguruan një post të rëndësishëm në administratë.
Zaimina Vasjari- Specialiste në drejtorinë e Ujësjellës Kanalizimeve në Durrës
Këngëtarja Zaimina Vasjari është emëruar specialiste në drejtorinë e Ujësjellës Kanalizime në Durrës, në degën e Shijakut. Vasjari është emëruar në këtë detyrë prej datës 10 qershor.
Eli Fara- Drejtoreshë në 2 Ministri
Media të ndryshme në vend kanë publikuar artikuj të shumtë, nëpërmjet të cilëve pretendojnë se këngëtarja Eli Fara ka marrë 8 vite rrogë si “drejtoreshë” në 2 ministri, duke përfituar 65 udhëtime pune me asokohe ministrin Fatmir Mediun. Sipas portaleve në fjalë, Mediu dhe vartësja Eli Fara, në 23 raste kanë udhëtuar bashkë në Amerikë dhe në 42 herë të tjera në vendet e Bashkimit Europian, si ‘udhëtime pune’. Por çdo gjë u hodh poshtë nga ish-zyrtarët e Ministrisë së Mjedisit dhe të Mbrojtjes, të cilët u shprehën se ajo nuk ka qenë kurrë e punësuar në administratë.
Greta Koçi- Drejtore
Greta Koçi në vitin 2013 u emërua drejtore në Drejtorinë e Marrëveshjes në Drejtorinë e Përgjithshme të Politikeve të Zhvillimit dhe Integrimit në Ministrinë e Brendshme.
Mira Kazhani, Bieta Sulo- Punonjëse në UKT
Mira Kazhani dhe Bieta Sulo, ishin punësuar në UKT dhe paguheshin përkatësit 83000 dhe 55000 lekë. Kohë pasi lajmi u bë publik, Sulo hoqi dorë nga posti.
Këto janë bërë publike në media… mendoni se ka dhe të tjera që ende nuk dihen?
