Qeveria shqiptare që në vitin 2019, mori vendimin që shpërblimin e bonusit të bebes, e kanë përfituar dhe fëmijët e qytetarëve shqiptarë të lindur jashte vendit, por që janë regjistruar në vendin tonë.
Emigrantët e ardhur këtë vit në vend, janë drejtuar pranë Shërbimit Social Shtetëror për të tërhequr çekun e bebes.
Siç shihet dhe nga pamjet, kjo situatë po vijon prej ditësh duke shkaktuar radhë dhe kaos.
“Është dita e dytë që erdha sot, por nuk e di nëse do tërheq çekun e bebes. Dje u shpërndanë vetëm 120 numra për të pritur radhën. Na thonë që vetëm kaq shpërndahen”, shprehet një nga nënat që pret në radhë për çekun e bebes.
Ndonëse me fëmijë në duar, qytetarët janë detyruar të jenë prezent në portën e Shërbimit Social Shtetëror që prej orëve të para të mëngjesit për të zënë radhën e tërheqjes së çekut.
