Korriku 2021, muaji më i nxehtë në historinë e planetit, në 142 vitet e fundit

Korriku ishte muaji më i nxehtë në botë i regjistruar ndonjëherë në histori. Dicka e tillë është konfirmuar nga shkencëtarët e qeverisë amerikane.

Temperatura e sipërfaqes së tokës dhe oqeanit muajin e kaluar ishte një gradë Celsius, 0.9C (1.6F), më e nxehtë se mesatarja e shekullit të 20-të prej 15.8C (60.4F), duke e bërë atë automatikisht muajin më të nxehtë që kur filloi regjistrimi modern 142 vite më parë.

Sipas Administratës Kombëtare të Oqeanit dhe Atmosferës (Noaa), ajo ka mposhtur rekordin e mëparshëm të vendosur në muajin korrik 2016.

Nxehtësia rekord e një muaji më parë u nxit nga temperaturat e larta në mbarë botën, me Azinë që përjetoi korrikun e saj më të nxehtë në histori dhe Evropën, që është djegur nga valët e të nxehtit dhe zjarret duke përfshirë Greqinë dhe Italinë, duke regjistruar korrikun e saj të dytë më të nxehtë dhe një rekord.

Nga zyrtarët thuhet se temperatura më e nxehtë e regjistruar ndonjëherë në Evropë është vendosur në Sicili ditën e Mërkurë, ku ka arritur 48.8 C (119.8 F).

Ka shumë të ngjarë që viti 2021 të renditet ndër 10 vitet më të nxehta të regjistruara ndonjëherë.