Kishte shndëruar garazhin në laborator droge/ Kush është biznesmeni i arrestuar në Sarandë për kokainë

Janë zbardhur detaje të reja nga aksioni i Forcave të Ndërhyrjes së Shpejtë në Sarandë.

Gjatë aksionit, FNSH ka arrestuar 41-vjeçarin Romeo Laze, ndërsa ka shpallur në kërkim shtetasin Barjam Çapoku, 26 vjeç.

Laze është pronari i garazhit në të cilin u sejuestruan 1 kg e 255 gram kokainë , 1 armë gjahu, 1 shumë parash të përfituara nga shitja e lëndës narkotike, tre peshore elektronike, 6 mjete të ndryshme, 4 targa atuomjetesh dhe sende të tjera të kundraligjshme.

Ai rezulton i dënuar më parë për veprën penale “plagosje e lehtë me dashje”. Ndërkohë që vëllai i Romeo Lazes ka qenë i dënuar, para disa vitesh, për “prodhim dhe shitje lëndësh narkotike”, në Sarandë.

Kujtojmë se brenda 3 muajsh Policia e Sarandës ka goditur 2 baza të shpërndarjes së kokainës dhe 3 baza të shpërndarjes së “cannabis sativa”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern