Kërcet arma në Ksamil, raportohet për një person të plagosur

Një 33-vjeçar ka mbetur i plagosur në Ksamil, mbrëmjen e sotme nga të shtënat me armë zjarri. Sipas policisë i riu është paraqitur për ndihmë mjekësore në spitalin e Sarandës, dhe dyshohet se është plagosur me armë zjarri në rrethana ende të paqarta në një dhomë hoteli në Ksamil.  Mësohet se i plagosur, banor i zonës, ka marrë plagë në bark. Policia ka shoqëruar sakaq 7 persona, për tu marrë në pyetje në lidhje me rrethanat e ngjarjes.

NJOFTIMI ZYRTAR I POLICISE: 

Rreth orës 20:45, në spitalin e Sarandës ka shkuar një 33-vjeçar për ndihmë mjekësore, dyshohet i plagosur me armë zjarri në rrethana ende të paqarta në një dhomë hoteli në Ksamil.

Shërbimet e Policisë dhe grupi hetimor kanë shkuar menjëherë në vendngjarje.

Janë shoqëruar nga Policia deri në këto momente 7 persona për tu marrë në pyetje në lidhje me rrethanat e ngjarjes.

Grupi hetimor vijon punën për zbardhjen e e plotë të rrethanave të ngjarjes.