“Jam shumë i rritur” Djali afgan nuk pranon të marrë dhuratën, por ja zgjidhja që gjen Rama

Kryeministri Edi Rama shpërndau dhurata për fëmijët afganë të strehuar në Durrës,. Një prej tyre refuzoi të merrte disa makina që mbante në dorë kryeministri.

“Jo, faleminderit”, i tha ai, ndërsa Rama e pyeti: “Përse? Je shumë i madh për këtë?” Ndërsa djali e pohoi, kryeministri kërkoi menjëherë diçka tjetër. Fillimisht i dha një lojë Leggo që sërish u duk sikur nuk e kënaqi, por Rama gjeti zgjidhjen tek një top futbolli që solli buzëqeshje në fytyrën e djalit afgan.

Paraditen e sotme, kryeministri Rama publikoi pamjet e para të mbërritjes së afganëve në vendin tonë duke u thënë “mirëserdhët në tokën ku ligji i të parëve thotë se shtëpia e shqiptarit është e Zotit dhe e mikut”.

Megjithëse për ta sot është fillimi një jete të re, mendjen e kanë tek ata që lanë pas në atdheun e tyre nën kontrollin e talebanëve. Më parë, ambasadorja Yuri Kim e cila koordinoi ardhjen e këtyre qytetarëve afgan tha përmes Twitter tha se “Siç e kanë bërë gjithmonë, populli i Shqipërisë edhe njëherë tjetër ofroi strehim dhe mbrojtje atyre në nevojë të të madhe. Ne jemi krenarë t’ju quajmë miq dhe aleatë. Faleminderit”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern