Një 59- vjeçar është arrestuar sot në Fier për zjarrvënie të qëllimshme.
Shtetasi i identifikuar si Xhemil Vrenozi, duke djegur barëra të thatë, zjarri i ka dalë jashtë kontrollit dhe për pasojë është djegur një sipërfaqe me bimësi në vendin e quajtur “Grykëderdhja e lumit Seman”.
Po ashtu një grua është proceduar penalisht pasi zjarri i ka dalë jashtë kontrollit duke dëmtuar pronën e tjetrit dhe djegur bazën ushqimore të blegtorisë.
Njoftimi policisë
Në vijim të punës hetimore për zbulimin dhe vënien përpara përgjegjësisë ligjore të autorëve të zjarrvënieve, specialistët për Hetimin e Krimeve në Komisariatin e Policisë Fier, arrestuan në flagrancë shtetasin Xhemil Vrenozi, 59 vjeç, banues në Hoxharë e Vjetër, Fier, pasi duke djegur barëra të thatë, zjarri i ka dalë jashtë kontrollit dhe është djegur një sipërfaqe me bimësi në vendin e quajtur “Grykëderdhja e lumit Seman”.
Gjithashtu, po nga këto struktura u procedua penalisht shtetasja J. M., banuese në Grykë, Fier, pasi duke djegur disa barëra të thatë, zjarri i ka dalë jashtë kontrollit dhe për pasojë ka dëmtuar pronën e tjetrit duke i djegur bazën ushqimore të blegtorisë.
Materialet i kaluan Prokurorisë, për veprime të mëtejshme.
