I dënuar për trafik droge/ Arrestohet në Durrës serbi i shpallur në kërkim ndërkombëtar

Një person i shpallur në kërkim ndërkombëtar për veprën penale “Prodhimi dhe shpërndarja e paligjshme për narkotikët”, është vënë në prangat e policisë në Durrës.

Në pranga ka rënë shtetasi Miroslav Krstic, 39 vjeç, banues në Sredar, Beograd, Serbi, i dënuar me 3 vjet e 3 muaj burgim, ndërsa pritet ekstradimi drejt vendit të tij.

Njoftimi i plotë i policisë: Durrës

Një tjetër person në kërkim ndërkombëtar bie në prangat e Policisë.

Arrestohet përkohësisht, me qëllim ekstradimi drejtë Serbisë, 39-vjeçari i dënuar për veprën penale “Prodhimi dhe shpërndarja e paligjshme për narkotikët”.

Strukturat e DVP Durrës, si rezultat i shkëmbimit të vazhdueshëm të informacionit me ZKQ Interpol Tirana, bënë të mundur kapjen dhe arrestimin me qëllim ekstradimin drejtë Serbisë të shtetasit Miroslav Krstic, 39 vjeç, banues në Sredar, Beograd, Serbi.

Arrestimi i këtij shtetasi u bë pasi Gjykata e Lartë në Subotica, Serbi, e ka dënuar me 3 vjet e 3 muaj burgim, për veprën penale “Prodhimi dhe shpërndarja e paligjshme për narkotikët”.

Interpol Tirana vijon procedurat për ekstradimin e këtij shtetasi drejtë Serbisë.