“Hodhën shishen e ujit nga makina”, turistja zvicerane habitet me policët në Shqipëri 

Turistët që vijnë në Shqipëri, mrekullohen me bukuritë natyrore, që vendi ynë ka. Mirëpo, një gjë të tillë nuk mund ta themi edhe për sjelljen e disa qytetarëve, apo edhe institucioneve që na përfaqësojnë.

Në rastin konkret bëhet fjalë për policinë. Një turiste zviceriane, që kishte shkuar për të vizituar Thethin, është skandalizuar, kur ka parë një makinë policie, nga e cila u hodh jashtë dritares së makinës një shishe ujë.

Një situatë të tillë, ajo e ka shpërndarë në rrjete sociale, ku numëron mbi 280 mijë ndjekës. Turistja shkruan: “Sapo pashë policinë që hodhi një shishe plastike nga dritarja. Bravo!”