Është përkeqësuar situata me zjarret në Greqi, ndërsa autoritetet kanë lëshuar alarm për evakuimin e banorëve nga Keratea në Atikën lindore.
Në terren janë 71 zjarrfikëse që përpiqen të shuajnë zjarrin i cili shpërtheu pak para orës 11 të mëngjesit në zonën e Markatit.
Gjashtë avionë që lëshojnë ujë dhe katër helikopterë janë përfshirë gjithashtu në operacion.
Deri tani janë dëmtar të paktën dhjetë shtëpi nga zjarri, ndërsa një grua e moshuar rezulton e zhdukur.
Trafiku është ndalur gjithashtu në autostradën e vjetër Keratea-Lavrio.
Zjarri i madh që shpërtheu në Markati Lavreotiki ka marrë përmasa të pakontrollueshme dhe tani po lëviz drejt Parkut Kombëtar Sounio.
Tashmë është dhënë një urdhër përmes 112 për evakuimin e katër vendbanimeve: Markati, Synterina, Agios Konstantinos dhe Dimoulaki.
Zjarri tani ka avancuar dhe kërcënon vendbanimin e Ag. Constantino – Kamariza.
