Gazetari jep lajmin e mirë/ Përmirësohet gjendja shëndetësore e Kosta Grillos

Pas dërgimit në Turqi për kurim, duket se gjendja shëndetësore e gazetarit Kosta Grillo është drejt përmirësimit.

Lajmin e ka dhënë gazetari sportive Ervin Baku me anë të një postimi në rrjetet sociale.

“Një lajm i mirë na vjen këtë mëngjes nga Stambolli. Kolegu, miku, vëllai, Kosta Grillo duket se ka marrë kthesën e madhe për mirë…

 Lavdi Zotit! Mjekimi me qelizat e reja duket se po jep frutet e tij. Komunikimi i tij është shumë normal, me një çehre shumë të mirë të fytyrës. Për herë të pare pas 10 ditësh ka kërkuar për të ngrënë…

Mjekët e spitalit i kanë raportuar analizat e gjakut dhe ato kanë dalë shumë mirë. Trupi po rikthehet drej normalitetit… Beteja tani do të fokusohet te rikuperimi i mushkërive. Pra të punohet më pak me aparatet e oksigjenit dhe të rikuperohen mushkëritë”, ka shkruar gazetari në rrjetet sociale.

Kujtojmë që Kosta Grillo u infekua me Covid, por për shkak të përkeqësimit të gjendjes shëndetësore ai u nis drejt Turqisë, ku ndodhet i shtruar prej më shumë se 10 ditësh.