Pasditen e sotme një aksident tragjik ndodhi në aksin rrugor Sarandë-Gjirokastër, në Qafë-Muzinë.
Një mjet tip furgon ka dalë nga rruga dhe për pasojë ka rënë në greminë.
Ndërkohë Policia e Shtetit ka dalë me një njoftim zyrtar mbi ngjarjen e rëndë, ku bën me dije se kanë humbur jetën 4 persona.
“Njoftohemi se rreth orës 15:30, në rugën nacionale Gjirokastër-Sarandë, në vendin e quajtur Muzinë, mjeti tip “Land Rover” me drejtuese shtetasen R. Ç. është përplasur me mjetin tip furgon me drejtues shtetasin B. P. Si pasojë e përplasjes mjeti tip furgon ka dalë nga rruga dhe ka përfunduar disa metra poshtë rrugës. Për pasojë kanë humbur jetën 4 shtetas, të cilët ndodheshin në mjetin tip furgon. Në vendngjarje ndodhet grupi hetimor dhe po punon për zbardhjen e shkaqeve të aksidentit.”, bëjnë me dije uniformat blu.
