Policia e Fierit ka vënë në pranga një 56 vjeçar nga Roskoveci i cili akuzohet se ka kryer marrëdhënie seksuale me persona të pazotë për tu mbrojtur.
Sipas uniformave blu, shtetasi me iniciale P.A ka kryer marrëdhënie seksuale me një 20 vjeçare, e cila është me aftësi të kufizuara dhe nga ekzaminimet rezulton se është shtatzënë.
Mësohet se i arrestuari është shtetasi Petrit Arapi për veprën penale “Marrëdhënie seksuale ose homoseksuale me persona të pazotë për t’u mbrojtur”.
“Po nga këto struktura u bë ndalimi i shtetasit P. A., 56 vjeç, banues në Roskovec për veprën penale “Marrëdhënie seksuale ose homoseksuale me persona të pazotë për t’u mbrojtur”, pasi dyshohet se ka kryer marrëdhënie seksuale me një shtetase 20 vjeçe, e cila është me aftësi të kufizuara dhe nga ekzaminimet rezulton se është shtatzënë”, thuhet në njoftimin e policisë.
