E pazakontë/ Besonte se mund të ringjallej si Jezusi, pastori u kërkon të afërmve ta varrosin të gjallë për tre ditë

Një histori e pazakontë konsiderohet ajo që ka ndodhur në Zambia.

Bëhet fjalë për një pastor, i cili bëri një përpjekje të dështuar për të kujtuar ringjalljen e Jezusit, por për fat të keq qëllimi nuk u realizua dhe ai ndërroi jetë.

James Sakara, 22 vjeç, kishte bindur kongregacionin e tij se ai mund të ringjallej për tre ditë, duke imituar Jezu Krishtin dhe kërkoi që ai të varroset nën tokë. Por kur u bënë gërmimet tre ditë më pas ai u gjet i vdekur.

Mediat e huaja raportojnë se ai bindi tre anëtarë të kishës që të ndihmonin përpjekjen e tij të ringjalljes duke ndihmuar në gërmimin e një varri. Tre ndihmësit e tij i lidhën duart së bashku dhe e varrosën të gjallë, ku qëndroi për tre ditë. Pas kthimit për të gërmuar pastorin, kongregacioni i tij zbuloi trupin e tij të pajetë dhe u përpoq të zhvillonte rituale shpirtërore.

Sidoqoftë, kur Sakara mbeti i pajetë, ndjekësit e tij e kuptuan se përpjekja e tij për ringjallje kishte rezultuar e pafrytshme. Nga tre anëtarët e kishës që dolën vullnetarë për të ndihmuar pastorin në rekreacionin e tij, njëri i është dorëzuar policisë. Dy asistentët e tjerë janë ende në kërkim dhe besohet se janë në arrati. Sipas raporteve, pastori la pas një grua të re shtatzënë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern