Lënja në burg e 34 vjeçarit Eduart Caushaj nga Patosi i akuzuar për vjedhje ka bërë që dy gra të sëmura, nëna Vitore, 62 vjeçe dhe motra, Brunilda, 37 vjeçe të mbetet të pambrojtura.
Eduardi, sishte i vetmi kujdestar i motrës dhe nënës së tij, pasi vuajnë nga probleme të shëndetit mendor.
E motra e Vitores, Dylbere Murgu, apelon për ndihmë.Ajo i trembet faktit që vajza mund të mbetet shtatzënë, ndërsa tregon se familja është pa bukë, pa ujë e drita.
“Djali i motrës time ka rënë në burg. Ndoshta ka vjedhur një biçikletë, ka qenë i dehur. Janë të dyja nënë e bij të sëmura, me të meta mendore ka 20 vjet. Drita nuk kanë, ujë s’kanë, bukë nuk kanë. Ça do të bëhet me këto 2 gra. Ku do t’i çojmë, kush do t’i dali për zot.
Kam shkuar në polici, ata më thonë shko zgjidhini në një tjetër vend. Zgjidhjen e ka në dorë shteti. Ose t’i çojnë në spital, ose t’i sjelli ushqime.
Djali të lirohet se nuk ka bërë kushedi çfarë. Ka qenë i dehur, ndoshta dhe nga stresi se nuk jetohet me këto dy gra. Unë e kam motër. Ato lekë që marrin, i përdorin për ilaçe. I mbajnë në spital dy javë, pastaj i sjellin ne shtëpi. Ua patën heq kempin fare. 300 milekë marrin gjithsej, ato i përdorin për ilaçe.
Jeta e tyre eshte e rrezikuar. Kam gjetur dy netë atë burrin këtu, këta ja dinë emrin shumë mirë se kush është. Për çfarë rri ti këtu i thashë mes dy grave të sëmura.
E deklaroj hapur. Mund të ngelet vajza shtatzanë, është 35 vjeçe. Vajza duhet të rrijë në spital përgjithmonë”, ka bërë apel e motra për mediat.
