Akademiku Artan Fuga ka dalë me një reagim në rrjetet sociale lidhur me debatet për performancën e këngëtarit serb Goran Bregoviç në Festën e Birrës në Korçë.
Duke iu përgjigjur kritikëve Fuga shkruan se “Audienca është mbret”, dhe se ç’bëhet me performancën e Bregoviç, atë e di audienca në Korçë, kush e pëlqen e pëlqen, kush nuk e pëlqen nuk e pëlqen.
Po ashtu, Fuga thekson se ne na duhet të ruajmë identitetin, të bashkëpunojmë për njohjen e Kosovës si element prioritar, të jemi faktor paqeje me të gjithë dhe të integrohemi në Europë.
“Nëse Shqipëria, nuk pranon asnjë komunikim diplomatik, kulturor, ekonomik, tregtar, etj., as me Maqedoninë e Veriut, hmmmmmm maqedonasit, as me Greqinë hmmmmmm grekët, as me Malin e Zi hmmmmmm malazezët, as me Serbët, hmmmm serbët, hajde kthehemi në një kazermë, izolohemi, vishemi me rroba zborri, dhe fillojmë të kavërdisemi me vajin tonë!
Ne na duhet të ruajmë identitetin, të bashkëpunojmë për njohjen e Kosovës si element prioritar, të jemi faktor paqeje me të gjithë dhe të integrohemi në Europë.
Kurse se ç’bëhet me atë Bregoviçin, atë e di audienca në Korçë, kush e pëlqen e pëlqen, kush nuk e pëlqen nuk e pëlqen.
Audienca është mbret!”-shkruan Artan Fuga.
