LIGJET E BIZNESIT
Qeveria daneze ka vendosur që të heqë të gjitha masat antiCOVID-19 në datën 10 shtator, pasi zyrtarët e shëndetësisë besojnë se COVID-19 nuk është më kërcënim për shoqërinë.
Sipas autoriteteve, 70% e qytetarëve tashmë janë vaksinuar, ndaj nuk do të ketë më nevojë për certifikata vaksinimi apo testime.
“Epidemia është nën kontroll, kemi nivele të larta vaksinimi. Prandaj më 10 shtator shfuqizohen të gjitha rregullat e veçanta të nisura gjatë luftës kundër Covid-19,” tha ministri i Shëndetësisë, Magnus Heunicke.
Por ministri shtoi se epidemia nuk ka marrë fund ende, ndaj në rast të shtimit të numrit të të infektuarve, në vend do të hyjnë sërish në fuqi masat shtrënguese.
