Çfarë po ndodh? Regjistrohen 131 lëkundje tërmeti në 12 orë

Një tërmet me magnitudë 5,5 ballë goditi brigjet jugperëndimore në Turqi në orët e para të mëngjesit të sotme. Autoriteti i Menaxhimit të Fatkeqësive dhe Emergjencave (AFAD) u shpreh se tërmeti goditi qytetin Datça të provincës Mugla në orën 7:31 të mëngjesit.

Vatra e goditjes ka qenë 14.85 km thellësi, më i madhi mes 131 pas-goditjeve  të raportuara pranë së njëjtës zonë në 12 orët e fundit.

Ismail Çataklı, zëvendësministri i Brendshëm turk tha në një postim në rrjete sociale se deri tani nuk ka raportime për dëme apo viktima.