Amerika jep 5 milionë dollarë për kokën e tij, terro risti ‘para syve’ në Kabul

Khalil Haqqani, një nga terroristët më të kërkuar të Amerikës, është parë mes luftëtarëve talebanë në Kabul, ku u prit me brohorima.

I kërkuar për lidhjet me Al Kaedën, për të ka një shpërblim prej 5 milionë dollarësh nga Amerika.

Ndërkohë ai u pa të lëvizte lirshëm në rrugët e Kabulit para se të drejtonte lutjet në xhaminë më të madhe të qytetit.

Haqqani tani është pjesë përbërëse e lëvizjeve të talebanëve për të krijuar një qeveri dhe ai kishte përcjellje të armatosur kur hyri në ndërtesën fetare.

Sipas Daily Mail, Haqqani është pjesë e rrjetit Haqqani i cili ka luajtur një rol të madh në ngritjen e talebanëve në Afganistan.