Aksident në Dajt/ Makina del nga rruga, dy të plagosur

Plagosen dy persona si pasojë e një aksidenti me makinë.

Mësohet se ngjarja u shënua në afërsi të hyrjes së Parkut të Dajtit.

Sipas informacioneve mjeti me drejtues 33-vjeçarin me inicialet A.Ll., dhe pasagjere 22-vjeçaren me inicialet J.J., ka humbur kontrollin, ka dalë nga rruga dhe ka rënë nga disa metra lartësi.

Për pasojë, të dy personat që ndodheshin brenda makinës janë plagosur. Ata janë dërguar në spital ku po marrin ndihmën e nevojshme mjekësore. Paraprakisht bëhet me dije se ndodhen jashtë rrezikut për jetën.

NJOFTIMI ZYRTAR I POLICISE:
Tiranë/Informacion paraprak

Më datë 29.08.2021, rreth orës 17:10, afër hyrjes së Parkut të Dajtit, shtetasi A. Ll., 33 vjeç, ka humbur kontrollin e mjetit, duke dalë nga rruga. Si pasojë është dëmtuar drejtuesi i mjetit dhe pasagjerja në mjet shtetasja J. J., 22 vjeçe, të cilët ndodhen në spital, nën kujdesin e mjekëve, paraprakisht jashtë rrezikut për jetën.

Grupi hetimor ndodhet në vendngjarje dhe po punon për sqarimin e rrethanave të aksidentit.