Aksident në aksin Fier-Seman, raportohet për disa të plagosur

Një aksident i rëndë është shënuar mesditën e sotme në aksin Fier-Seman, ku dy makina janë përplasur keq me njëra-tjetrën.

Mësohet se një prej mjeteve ka përfunduar në kanal, teksa raportohet se disa persona kanë mbetur të plagosur, por ende nuk dihet gjendja e tyre shëndetësore.

Ambulanca dhe policia ndodhen në vendin e ngjarjes, ndërsa grupi hetimor po punon për zbardhjen e plotë të rrethanave të aksidentit.