Në aeroportin e Kabulit mbizotëron kaosi që pas marrjes së pushtetit nga talebanët.
Turmat e njerëzve në panik duan të ikin, ndërsa pista, shkallët, avionët janë të mbipopulluar.
Megjithatë në kryeqytet nuk ka më trazira pasi forcat qeveritare janë larguar bashkë me Presidentin Ghani i cili iki nga vendi dje, kur militantët islamikë hynë në kryeqytet, duke thënë se donte të shmangte gjakderdhjen.
Talebanëve iu desh pak më shumë se një javë për të marrë kontrollin e vendit, pasi spastrimi “rrufe” përfundoi në Kabul me forcat qeveritare, të cilat ndonëse të stërvitura për vite të tëra dhe të mbështetura nga Shtetet e Bashkuara, u dorëzuan.
