3 të plagosur/ Motori humb kontrollin, përplaset me makinën e policisë

Nje aksident i rëndë është regjistruar ditën e sotme në Tiranë. Ngjarja u shënua  rreth orës 14:44, në rrugën “5 Maji”.

Burime nga policia bënë me dije se shtetasi me inicialet E. T., 26 vjeç duke drejtuar motomjetin ka humbur kontrollin e tij, dhe për pasojë ka dëmtuar mjetin e policisë me drejtues punonjësin e policisë, shtetasin me iniciale R. T., 30 vjeç. Si pasojë janë dëmtuar të dy drejtuesit e mjeteve dhe pasagjeri në motomjet, të cilët u dërguan mënjeherë në spital, jashtë rrezikut për jetën.

Grupi hetimor ndodhet në vendin e ngjarjes dhe po punon për sqarimin e rrethanave të aksidentit.