“Zëdhënësja e tij do të marrë postin e lartë” PD zbulon emërimin që do bëjë Rama nesër

Deputetja e zgjedhur e Partisë Demokratike Albana Vokshi, ka reaguar pas lajmit se kryeministri Edi Rama nesër do të zyrtarizojë zëdhënesen e PS në krye të Autoritetit të Medias Audiovizive (AMA).

Me anë të një mesazhi të gjatë, Vokshi e quan një vendim antidemokratik, dhe sipas saj Rama duhet të tërhiqet.

REAGIMI I PLOTE:

Është koha që Edi Rama të tërhiqet nga vendimi antidemokratik për të kapur Autoritetin e Medias Audiovizive përmes zëdhënëses së tij.

Votimi i parashikuar nesër në orët e fundit të këtij parlamenti ilegjitim është kthyer në shqetësim për Reporterët Pa Kufij. Në reagimin e sotëm, organizata kryesore në mbrojtje të gazetarëve vë në dukje se ky vendim po merret pa opozitën, përpara nisjes nga puna të parlamentit të ri.

Është e papranueshme për standardet demokratike që zëdhënësja e Edi Ramës të emërohet në krye të një institucioni të pavarur, veçanërisht, kur qeveria nuk ka hequr dorë akoma nga ligji i censurës që dënon gazetarët me burg.

Nesër është dita që qeveria të tërhiqet dhe të mos i nxijë më shumë imazhit Shqipërisë si vendi ku gazetarët dënohen me burg, liria e medias është në rrezik dhe demokracia akoma më e kercënuar nga nje regjim autoritarist që qendron në pushtet me votë të vjedhur!