Zaimina Vasjari merr rrogë si specialiste Ujësjellësi, emërohet për të ‘zgjidhur hallet’ e Durrësit me ujin e pijshëm

Nuk janë të pakta rastet e punësimit të personazheve të njohur në administratën shtetërore.

E njëjta gjë ka ndodhur dhe me këngëtaren Zaimina Vasjari.

Kjo e fundit është emëruar specialiste në drejtorinë e Ujësjellës Kanalizime në Durrës, në degën e Shijakut.

Në dokumentin e siguruar shihet se Vasjari është emëruar në këtë detyrë prej datës 10 qershor.

Vendimi mban firmën e drejtorit të Ujësjellësit Spartak Kovaçi.

Zaimina Vasjari përveçse këngëtare, mban edhe titullin e “Miss Shqiperia 2002”, ndërsa është diplomuar në degën e Arkitekturës. Por prej datës 10 qershor ajo ka marrë përsipër që të zgjidhë edhe hallet e komunitetit të Shijakut për ujin e pijshëm.