Xhaçka për padinë ndaj ambasadorit Soreca: Një mik i vërtetë që nuk heziton kurrë të kritikojë qeverinë

Pas padisë që Aleanca për Mbrojtjen e Teatrit Kombëtar bëri në SPAK ndaj ambasadorit të BE në Tiranë, Luigi Soreca, ka reaguar Ministrja për Punët e Jashtme, Olta Xhaçka .

Xhaçka shkruan në twitter se ambasadori Soreca është një mik i mirë i Shqipërisë dhe ndihet e keqardhur për akuzat që sipas saj Aleanca për Mbrojtjen e Teatrit ka shpifur ndaj tij.

“Luigi Soreca është një mik i mirë i Shqipërisë dhe popullit shqiptar. Një mik i cili ka shkuar dhe përtej detyrës së tij, për të ndihmuar shqiptarët me pasojat e tërmetit dhe pandemisë COVID-19. Një mik i vërtetë i cili ka mbështetur integrimin e vendit tonë ??, edhe duke kritikuar qeverinë dhe politikën në rastin e gabimeve të bëra. Keqardhje për akuzat e bëra ndaj tij. E sigurt që Ambasadori Soreca gëzon respektin dhe mbështetjen e shumicës së popullit shqiptar”- shkruan në postimin e saj Xhaçka.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern