LIGJET E BIZNESIT
Shoqërohet me protestë ndalimi i pronares se një lokali në Vlorë, pasi në shenjë kundërshtimi sa i përket orës policore, shumë biznese vendosën himnin kombëtar.
Kjo ngjarje ndodhi vetëm pak minuta para orës 22:00, orar ky kur edhe ndalohet muzika në lokale. Në këtë biznes thuhet se muzika qëndroi edhe pas këtij orari. Qytetarë të shumtë u mblodhën para komisariatit të Vlorës, ku kërkuan lirimin e zonjës dhe 3 tre personave të tjerë, e cila u shoqërua nga dhjetëra efektivë policie.
Gazetari Enrik Mehmeti raporton se në orën 3:00 u bë e mundur lirimi i 4 të shoqëruarve, midis tyre pronari tjetër dhe dy punonjësit.
Operatorët e Vlorës kanë paralajmëruar protesta të mëtejshme për ndryshimin e fashës orare, pasi sipas tyre, dicka e tillë po i pengon në biznes përgjatë sezonit veror, kur ka edhe shtim të numrit të turistëve.
Operatorët thonë se ora policore aktuale, ka bërë që bizneset të përballen me kushte të vështira ekonomike.
