“Të përsëritet ndeshja” Franca u mund nga Zvicra, por 240 mijë tifozë firmosin peticionin

Edhe pse Franca tashmë është eleminuar nga “Euro 2020”, më shumë se 240.000 tifozë kanë vendosur të nënshkruajnë një peticion, për të detyruar UEFA-n që të përsërisë ndeshjen me Zvicrën, në fazën e 1/8.

Sipas rregullave, portierët duht të mbajnë të paktën njërën këmbë në vijën e portës kur përballen me një penallti.

Por tifozët francezë janë ankuar, duke thënë se Yann Sommer nuk e respektoi këtë rregull gjatë goditjes së Kylian Mbappe, e cila u prit nga portieri zviceran.

Siç është raportuar nga media të ndryshme si RTL Sport, mijëra persona kanë nënshkruar një peticion që loja të rishfaqet përmes faqes Les Lignes Bougent.

Pavarësisht se Franca kryesoi me rezultatin 3-1, Zvicra arriti të barazojë duke e dërguar ndeshjen në kohën shtesë dhe më pas drejt penalltive, ku Mbappe nuk mundi të dërgojë topin në rrjetë.

UEFA nuk duket se është e gatshme të bie dakord për përsëritjen e lojës, pasi ata janë të sigurt se gjyqtari dhe zyrtarët e VAR morën vendimin e duhur.