“Shpëto jetë” Aksidentet tragjike në vend, Blendi Fevziu del me mesazhin e fortë (VIDEO)

Aksidentet automobilistike këtë verë shkaktuan një sërë viktimash.

Më tragjikja ishte ajo në aksin Fier-Vlorë, ku u shua një familje me katër anëtarë, dy prindërit dhe vajzat e mitura.

E gjithë shoqëria u bë bashkë duke kërkuar reagim ndaj shoferëve të papërgjegjshëm në timon.

Ndërkohë, gazetari Blendi Fevziu ka publikuar një video-mesazh sensibilizues në kulmin e sezonit turistik.

Ai u ka kërkuar qytetarëve që të mos përdorin alkool kur ngasin makinën.

“Unë jam Blendi Fevziu dhe jam këtu për të dhënë kontributin tim për sigurinë rrugore. Ju e dini që aksidentet rrugore shkaktohen në masën më të madhe nga përdorimi i alkoolit. Kurseni jetën tuaj dhe të të afërmve tuaj dhe çdo qytetari duke mos pirë alkool. Nëse keni pirë, përdorni taksinë ose merrni një të afërm, por mos lejoni askënd që është i dehur që të përdorë makinën. Shpëto jetë.”-thotë gazetari.

 

View this post on Instagram

 

A post shared by Blendi Fevziu (@blendifevziu)