“Sasia më e madhe e ardhur njëherësh” Rama jep lajmin e mirë: Ja sa doza të vaksinës Coronavac kanë mbërritur në Rinas

Mëngjesin e sotëm kryeministri Edi Rama e ka nisur me një lajm të mirë për qytetarët.

Ai ka njoftuar se në aeroportin e Rinasit kanë mbërritur 340.000 doza të vaksinës Coronavac, sasia më e madhe kjo e mbërritur njëherësh në vendin tonë.

Sipas kreut të qeverisë, numri i vaksinave të mbërritura në vendin tonë deri më tani është 1,578,790.

MESAZHI I RAMES

MIRËMËNGJES
dhe me lajmin e mirë të mbërritjes pak minuta më parë të 340,000 dozave të vaksinës Coronavac në Aeroportin “Nënë Tereza”, sasia më e madhe e mbërritur njëherësh, që e çon në 1,578,790 numrin e vaksinave të mbërritura deri tani , ju uroj të gjithëve një ditë të mbarë

#ShqipëriaBuzëqesh