Rinas/ Nuk iu mundësua udhëtimi, 42-vjeçarja godet punonjësen e kompanisë ajrore

Një 42 vjeçare është arrestuar, pasi ka goditur për shkak të detyrës punonjësen e një kompanie ajrore në Rinas.

Policia njofton se është venë në pranga për veprën penale “Goditja për shkak të detyrës” shtetasja Sh. K., 42 vjeçe.

Njoftimi

Specialistët për Hetimin e Krimit në Komisariatin e Policisë Rinas bënë arrestimin në flagrancë për veprën penale “Goditja për shkak të detyrës” të shtetases Sh. K., 42 vjeçe.

Arrestimi i kësaj shtetaseje u bë pasi ka goditur për shkak të detyrës punonjësen e një kompanie ajrore, pasi nuk i është mundësuar udhëtimi, për shkaqe që nuk vareshin nga punonjësja.

Materialet i kaluan Prokurorisë së Rrethit Gjyqësor Tiranë, për veprime të mëtejshme.