“Që ta kuptoni ku gjendet Peshku i madh”/ Ylli Manjani: Kuptoni falsitetin e deklarimeve të kryeministrit

Ish-ministri i Drejtësisë, Ylli Manjani  në një status në faceboo, ka sqaruar me disa pika sesi mund të zbulohet se ku gjenden “peshqit e mëdhenj”.

Ai shkruan se për një kapje të madhe duhet kërkuar në kontratat e lëshuara nga pushteti vendor që lëshon 80% të prokurimeve publike.

Postimi

Atëherë, për të kuptuar se ku gjendet “Peshku i madh” duhet mbajtur parasysh se:
1. Pushteti lokal i gjithi siç është, në 61 bashki, prokuron jo më shumë se 20% të fondeve të buxhetit të shtetit. Pra 80% e prokuron qeveria qendrore.
2. Në vlerë absolute, shuma që tenderon i gjithë pushteti lokal është thuajse aq sa pushteti qëndror i dha Bechettit për një tekë të Kryeministrit.
3. Një në tre kontrata që lidh pushteti qendror, kur harxhon atë 80%-in e fondeve që prokuron vetë, bëhet pa tender. Pra pa garë fare.
4. Të gjitha kontratat e koncensioneve dhe PPP-ve që janë lidhur, janë pa garë. Janë lidhur me oferta të pakërkuara.
Kaq mjafton besoj për të kuptuar se ku duhet gjuajtur për peshk të madh e ku për të vogël…
Kaq mjafton për të kuptuar falsitetin e deklarimeve të Kryeministrit, por edhe entusiazmin e sukseseve të mëdha të reformës në drejtësi…