LIGJET E BIZNESIT
Në raportin final të OSBE për zgjedhjet e 25 prillit, ndërsa përmenden akuzat për shitblerje të votës, thuhet se kjo gjë nuk është bërë nga një parti e vetme.
“Liritë bazike u respektuan gjatë fushatës dhe subjektet zgjedhore mundën të bënin fushatë në mënyrë të lirë, me kufizime të imponuara nga pandemia e COVID-19, që përfshinin kufizime në pjesëmarrjen në mitingje, distancimi social etj.
Si në zgjedhjet e mëparshme, akuza të besueshme mbi shitblerjen e votës ishin të pranishme gjatë fushatës dhe pas asaj, dhe disa raste panë fillimin e hetimeve. Këto akuza nuk ishin të adresuara ndaj një partie të vetme”.
Po ashtu OSBE nuk ka ‘harruar’ as strukturën e ashtëquajtur për mbrojtjen e votës në PD, ku cilësohet si potencialisht e paligjshme.
“Partia Demokratike, që ishte subjekti më aktiv në denoncimin e kësaj shitblerjeje, mori përsipër metoda potencialisht të paligjshme për të ”mbrojtur votën”, duke u justifikuar për këtë edhe në publik.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Drejtuesit e policisë të takuar nga ODIHR nënvizuan faktin se askush nuk ka të drejtën te ngeje struktura paralele me policinë”.
Raporti vijon më tej:
“Strukturat e zbatimit të ligjit duhet të rrisin sforcot për të identifikuar dhe dënuar rastet e shitblerjes. Qytetarët duhet të inkurajohen të raportojnë dhe të japin evidenca për çdo shitblerje dhe presion”.
Ndërkohë, vëren përdorimin e administratës publike nga partia në pushtet për qëllime fushate, ku edhe ministrat vazhduan punën e tyre me inaugurimet edhe gjatë fushatës elektorale.
