Plas në Lungomare/ Bizneset përplasen me policinë

Bizneset në Lungomaren e Vlorës kanë vendosur në sfond himnin kombëtar, si shenjë proteste, për plotësimin e kërkesave të tyre drejtuar qeverisë.

Operatorët e zonës kanë paralajmëruar protesta për ndryshimin e fashës orare, pasi sipas tyre, kjo po i pengon në biznes përgjatë sezonit veror.

Pak minuta para orës 22:00, që është edhe orari kur lejohet muzika në lokale sipas aktit normativ, në këto lokale është vendosur himni në shenjë proteste.

Por kjo gjë zgjati vetëm 5 minuta, pasi në 22:05 policia ndërhyri duke iu thënë ta ulin volumin, dhe kush kundërshtoi u shoqërua në komisariat.