Plas grushti LIVE! Ish-zv. Ministri i Brendshëm rrihet në emision me anëtarin e partisë, pas gotës me ujë përfundon përtokë

Një sherr ka ndodhur në një emision LIVE në Moldavi, mes anëtarit të  Partisë së Ndryshimit Sergiu Tofilat dhe ish-zv.ministrin e brendshëm, Ghenadie Cosovan.

Situata u acarua kur Cosovan e lagu me ujë Tofilat, i cili iu kthye me grushte e më pas e hodhi në tokë.

Ghenadie Cosovan: Z. Tofilat, pse nuk flisni se si u privatizuan tubacionet e gazit?

Sergiu Tofilat: Zoti Cosovan, ju nuk keni turp sepse i keni shërbyer regjimit të Plahotniuc, në vitin 2017 keni mbajtur tubime për të mbështetur sistemin, në qershor 2019 keni shkuar në një tubim para selisë së PAS, për të parandaluar koalicionin kundër Plahotniuc, për ta mbajtur atë në pushtet.

Ghenadie Cosovan: Ju kurrë nuk do të ma mbyllni gojën.

Sergiu Tofilat: Keni probleme me dëgjimin!