Për herë të parë në histori/ FIFA jep miratimin për “Copa Maradona”, Itali-Argjentinë sfidojnë njëra-tjetrën në Napoli

Ishte thjesht një ide e lindur pas penalltisë së fundit të finales së Europianit, në Wembley, por mesa duket ka marrë edhe miratimin nga ana e FIFA-s. Bëhet fjalë për “Copa Maradona”, përplasja mes fitueses së Europianit dhe asaj të Copa Americas do të luhet në muajin dhjetor të këtij viti ose në janar 2022, në qytetin e dytë të “Pibe de Oros”, Napoli.

Itali-Argjentinë do të jetë një ndeshje që do të përjetësojë një figurë legjendare se Diego Armando Maradona.

Itali-Argjentinë do të zinte vendin e Kupës së Konfederatave, e cila, nga viti 1992 deri në vitin 2017 ka vënë përballë të gjithë skuadrat kampione të konfederatave përkatëse, të cilave iu shtuan ekipi pritës dhe kampionët e botës në fuqi, për një total prej 8 skuadrash.

Tani, gjithçka do të zgjidhet në një ndeshje të vetme, e cila, në edicionin e saj të parë, do të kujtojë një ndeshje historike dhe fatkeqe për të kaltrit, përsëri në San Paolo: gjysmëfinalen e Kupës së Botës 1990./bw

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern