Parashikimi i motit për ditën e sotme, e hënë 19 korrik 2021

Sipas MeteoAlb, vijojnë kushtet e paqëndrueshme atmosferike të sjellin në vendin tonë vranësira të shpeshta dhe reshje shiu, ku më të dukshme do të jenë në gjysmën Lindore të Shqipërisë. Po ashtu priten dhe intervale me kthjellime, të cilat më të shpeshta do të jenë gjatë paradites dhe mbrëmjes.

Temperaturat e ajrit do të ulen në mëngjes por rriten në mesditë duke luhatur vlerat ditore nga 13°C deri në 33°C.

Era do të fryjë e lehtë dhe mesatare me shpejtësi 35 km/h nga drejtimi Veriperëndimor duke krijuar në det dallgëzim 3 ballë.