Një tjetër goditje e fortë/ Arrestohen zyrtarët e lartë në Korçë, ja çfarë thotë policia

Goditet një tjetër veprimtari kriminale në vendin tonë.

Operacioni u krye në fushën e falsifikimit të dokumenteve dhe shpërdorimit të detyrës.

“Shpërdoruan detyrën duke falsifikuar kontrata qiramarrjeje për ambiente që do të përdoreshin nga Posta Shqiptare në filialet Korçë, Maliq, Pogradec, vihen në pranga ish-drejtori dhe ish-specialisti i sigurisë pranë Postës Korçë, shpallet në kërkim 1 shtetas tjetër.

Ekzekutohet masa shtrënguese “Ndalimi i daljes jashtë shtetit”, caktuar nga Gjykata e Rrethit Gjyqësor Korçë për 7 punonjës të tjerë të Postës”, thuhet në njoftimin e policisë.

Në pranga kanë rënë  Valter Gora, ish-Drejtor i Postës Korçë dhe Albano Bibo, ish-specialist sigurie.

Ndërkaq është vendosur masë shtrënguese “ndalim i daljes jashtë shtetit” për 7 punonjës të tjerë: Adriana Koxheri, Kamela Myrte, Anila Koroveshi, Bardhyl Pane, Elona Galo, Bledian Çoçka, Ermira Morava.

NJOFTIMI ZYRTAR I POLICISE:

Finalizohet operacioni policor “Kontrata”.

Operacioni për goditjen e veprimtarisë kriminale ne fushën e falsifikimit të dokumenteve dhe shpërdorimit të detyrës. Operacioni i zhvilluar pas një hetimi disamujor, nga specialistët për Hetimin e Krimit Ekonomik-Financiar në DVP Korçë, në bashkëpunim me Komisariatet e Policisë Korçë dhe Pogradec, nën drejtimin e Prokurorisë të Rrethit Gjyqësor Korçë.

Shpërdoruan detyrën duke falsifikuar kontrata qiramarrjeje për ambiente që do të përdoreshin nga Posta Shqiptare në filialet Korçë, Maliq, Pogradec, vihen në pranga ish-drejtori dhe ish-specialisti i sigurisë pranë Postës Korçë, shpallet në kërkim 1 shtetas tjetër.

Ekzekutohet masa shtrënguese “Ndalimi i daljes jashtë shtetit”, caktuar nga Gjykata e Rrethit Gjyqësor Korçë për 7 punonjës të tjerë të Postës.

Specialistët për Hetimin e Krimit Ekonomik-Financiar në Drejtorinë Vendore të Policisë Korçë, në bashkëpunim me Komisariatet e Policisë Korçë dhe Pogradec, nën drejtimin e Prokurorisë së Rrethit, në vijim të punës për goditjen e veprimtarisë kriminale në fushën e falsifikimit të dokumenteve dhe veprave penale të kryera kundër veprimtarisë shtetërore, nga persona të cilët ushtrojnë funksione publike, pas një hetimi disamujor, finalizuan operacionin e koduar “Kontrata”, si rezultat i të cilit u bë arrestimi i shtetasve:

6. G., 41 vjeç, banues në fshatin Buçimas, Pogradec (me detyrë ish-drejtor i Postës Shqiptare dega Korçë) dhe A. B., 34 vjeç, banues në Korçë (me detyrë ish-specialist sigurie pranë këtij institucioni), për të cilët Gjykata e Rrethit Gjyqësor Korçë, me vendimin e datës 06.07.2021, kishte caktuar masën e sigurisë “Arrest në burg”, për veprat penale “Shpërdorimi i detyrës” dhe “Falsifikimi i dokumenteve”, kryer në bashkëpunim.

Gjithashtu u shpall në kërkim për veprën penale “Shpërdorimi i detyrës”, kryer ne bashkëpunim, shtetasi S. M., 39 vjeç, banues në fshatin Vërdovë, Pogradec, si dhe u ekzekutua masa shtrënguese “Ndalimi i daljes jashtë shtetit”, vendosur nga Gjykata e Rrethit Gjyqësor Korçë për shtetasit e mëposhtëm

1. K., 59 vjeçe, banuese në Korçë, K. M., 28 vjeçe, banuese në Korçë, A. K., 53 vjeçe, banuese në Korçë, B. P., 66 vjeç.