LIGJET E BIZNESIT
Një mjek sirian i ndodhur në Gjermani është akuzuar për krime kundër njerëzimit. Nëpërmjet një deklarate për mediat, zyrtarët në Karlsruhe thanë se mjeku Alla Mousa erdhi në Gjermani që në vitin 2015 dhe kishte punuar si mjek para se ai të arrestohej një vit më parë.
Ndaj mjekut rëndojnë 18 akuza për torturim njerëzish në spitalet ushtarake siriane në Homs dhe Damask. në akuza bëjnë pjesë vrasje, dëmtime të rënda fizike dhe dëmtime të lehta fizike.
Prokurorët akuzojnë se në një nga rastet, doktori kishte hedhur alkool në organet gjenitale të një burri dhe një adoleshenti, e më pas kishte vënë flakën me çakmak në spitalin ushtarak Nr. 608 në Homs. Ai akuzohet për torturimin e 9 njerëzve të tjerë në të njëjtin spital në vitin 2011 me rrahje barbare.
Prokurorët po ashtu pretendojnë se gjatë kryengritjes kundër presidentit sirian Bashar Assad në 2011-tën, civilët e plagosur që mendohej se ishin anëtarë të opozitës, u dërguan në spitalet ushtarake, ku u torturuan dhe u vranë atje.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
