LIGJET E BIZNESIT
Kryeprokurori i përkohshëm i Kukësit, Edmond Karriqi i cili u arrestua nga SPAK dyshohet se ka kërkuar nga të afërmit e të hetuarit prej tij, Ramadan Dedja 2 mijë euro për të dhënë një masë sigurimi në favor.
Ai i ka përdorur si ndërmjetësues Emirjan Beun dhe Isuf Gegën. Dritan Dedja kërkonte lirimin e djalit të tij Ramadan Dedja.
Në dosjen që disponon Top Channel, thuhet se Dritan Dedja pasi ka tërhequr shumën 2000 euro përmes dy personave të mësipërm ka krijuar kontakt të drejtpërdrejtë me prokurorin kariqi.
Më pas Dritan Dedja ka telefonuar babanë e tij Rrahim Dedja, ku është kryer biseda:
Dritan Dedja: Nesër shkojnë ato, të mërkurën e kë babin aty tek shpaja.
Rrahim Dedja: Sigurtë?
D.Dedja: Po nesër e sigurtë për car i kërkun ata.
Rr.Dedja: Hajt ma ia cove krejt ti?
D.Dedja: Krejt,krejt.
Rr. Dedja: Hajt bukur ciao.
D.Dedja: T’gjitha, hajt.
Pas këtij komunikimi Dritan Dedja ka pasur edhe komunikime rtë tjera që lidheshin me shumën e parave.
Ai gjithashtu komunikon edhe me të arrestuarin ku i thotë, “pata ca punë, takova ca njerëz, mirë mirë fare”.
Isuf Gega ka komunikuar me Emirjan Beun ku i ka treguar për takimin e ditës së kaluar, se janë ulur me robin e huaj, duke nënkuptuar prokurorin e çështjes, pra Kariqin.
Në datën 29.11.2019 Dritan Dedja komunikon me Rrahim Dedjan ku i thotë: “Të hënën do t’ia çojmë, të martën mund t’i qisi ata, thashë të hënën do t’ia çojmë me cu lekët, T’i mbledhim ata të tjerët”.
Rrahim Dedja komunikon se lekët janë gati dhe se nuk janë duke i mbajtur.
Kariqi u arrestua me urdhër të SPAK në 30 qershor në Kavajë bashkë me shoferin e tij Isuf Gega si dhe dy persona me iniciale D.D dhe E.B..
Ndaj tyre rëndon vepra penale, korrupsion aktiv i gjyqtarit, prokurorit dhe i funksionarëve të tjerë të drejtësisë, të kryer në bashkëpunim.
Ai ka kërkuar përfitime monetare të parregullta me qëllim favorizimin e disa personave nën hetim dhe që ishin duke u hetuar nga prokuroria e Kukësit, ku Kariqi është drejtues.
Top Channel
