LIGJET E BIZNESIT
Një aksident me pasojë vdekjen e një shtetasi ka ndodhur mbrëmjen e kësaj të premteje në rrugën e Fikasit në Mullet. Në njoftimin e saj policia njofton se një automjet që drejtohej nga shtetasi me iniciale L.R. është përplasur me bordurën anësore të rrugës dhe është larguar duke braktisur mjetin e tij.
Pasagjeri në këtë automjet, shtetasi me iniciale O.S. ka humbur jetën rrugës për në spital. Policia ndodhet në vendngjarje për të hetuar shkaqet e aksidentit teksa po punohet për kapjen e shoferit.
“Në rrugën e Fikasit, Mullet, shtetasi L. R., ka humbur kontrollin e mjetit duke u përplasur me bordurën anësore të rrugës, dhe më pas është larguar, duke braktisur mjetin. Si pasojë e aksidentit ka humbur jetën gjatë dërgimit për spital pasagjeri në mjet shtetasi O. S.
Grupi hetimor dhe sherbimet e Policisë ndodhen në vendngjarje dhe po punojnë për kapjen e drejtuesit të mjetit dhe sqarimin e rrethanave të aksidentit”, njofton policia.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
