Mes dhjetë viktimave në aksidentin tragjik në Kroaci janë nëna shqiptare dhe e bija

Nënë e bijë shqiptare të Kosovës, janë mes dhjetë viktimave në aksidentin tragjik në Kroaci.

Ato udhëtuan së bashku nga Gjermania në Kosovë, së bashku me 65 pasagjerë të tjerë që ishin në autobusin e Deva Tours. Vajza është mbi 18 vjeç dhe nëna e saj është mbi të 40-at.

Autobusi me targa Kosove ishte nisur nga Frankfurti i Gjermanisë për në Kosovë, mirëpo përgjumja e drejtuesit bëri që mjeti të dilte nga rruga dhe të rrëshqiste për më shumë se 100 metra. Shoferi është arrestuar.